مجدي برايا يكتب.. رسالة من شباب مصر

إحنا الشباب اجتمع

هنغير الصورة

جايبين معانا الأمل

فرعون وفرعونه

هنقول كلام ينحكى

فى القلب هيخربش

زى السلام عليكوا

بس اوعا ماتردش

كلامنا قولناه صلا

ع-الصحبة والعشرة

لجل القلوب الخلا

فيها الدهب قشره

***

يا أخوانا د - الموجز

واليكم النشره

الإسم مصر ترسمه تعرفه

كل العيون السمر تعزفه

موال وناى يحكى قصته

الإسم مصر والشعب مصراوى

أصل العزيزه حملت وخلفت طهطاوي

وشه وملامحه مصر

والدم نيلاوي

أنا أصلي سبت الدفه

لاولادى لعيالى

***

ابنى محمد مصطفى أحمد

ابنى سيناوى

ابنى اللي فجر جبل

فى الصبح فى الضهريه

عران بيزرع أمل

بيفجر الميه

لشبر ارض انزرع

خوخ وحنيه

لرملة صفرا

بترقص ع - الارض حوريه

غنت غناوى القمر

***

ابن السما العالية

وملايكة طالعه بتجري

ع- المدرسه والمكتب

كراسة عشقت قلم

يكتب بأه ويلعب

بالحرف مرة وادم

أصل الحياه ملعب

كله عشانك يامصر

كله عشانك يا مصر

نشقى بأه ونتعب